Нямецкі хіміка-фармацэўтычны кангламерат Bayer заключыў пагадненне аб куплі амерыканскага вытворцы ГМА-прадуктаў Monsanto за 66 млрд даляраў, паведамляецца ў прэс-рэлізе нямецкай кампаніі.
У выніку здзелкі будзе створана найбуйнейшая ў свеце кампанія па вытворчасці генна-мадыфікаванага насення і пестыцыдаў.
Bayer выкупіць акцыі Monsanto па цане $ 128 за штуку, сума ўгоды складзе $ 66 млрд.
Monsanto вядомая ў першую чаргу вытворчасцю насення, якое змяшчае ГМА, за што часта падвяргаецца крытыцы з боку праціўнікаў генна-мадыфікаванай прадукцыі.
Падобнае насенне шырока распаўсюджанае ў ЗША, аднак спробы ўкараніць тэхналогію ў Еўропе сустрэлі моцныя пратэсты.
Рынкавы кошт Bayer на дадзены момант складае каля 90 млрд даляраў. Дзякуючы даччыным кампаніям Bayer з'яўляецца адным з найбуйнейшых у свеце вытворцаў хімічных угнаенняў і сродкаў для барацьбы з шкоднікамі.
Лідар у гэтай індустрыі — швейцарская кампанія Syngenta. У мінулым годзе Monsanto спрабавала купіць Syngenta за 42 млрд даляраў.
-
Большасць індыйскіх нафтаперапрацоўчых заводаў адмовілася ад новых закупак расійскай нафты
-
Былы прэзідэнт Эстоніі засумняваўся, што ў Расіі даюць восем гадоў за пасты пра Бучу. Яму адказаў былы асуджаны
-
Былы адвакат Трампа і галівудскі прадзюсар бяруць пад кантроль ізраільскага вытворцу шпіёнскай праграмы Pegasus
Цяпер чытаюць
Лукашэнка даручыў Рыжанкову пачаць перамовы з літоўцамі9
Каментары