Мэр Масквы Сяргей Сабянін выказаў у сваім твітары спачуванні сем'ям загінулых пры пажары супрацоўнікаў пажарнай аховы. Раней паведамлялася толькі, што яны прапалі без вестак.
«На Амурскай пажарныя загінулі, выконваючы свой абавязак, як героі. Спачуваю родным і блізкім. Горад акажа ўсю неабходную дапамогу сем'ям загінулых», — напісаў ён.
Афіцыйна пра смерць пажарных пакуль не паведамляецца.
Раней інфармацыйныя агенцтвы перадалі, што падчас буйнога пажару на складзе штучных кветак на ўсходзе Масквы знікла сувязь з васьмю пажарнікамі.
Крыніцы агенцтваў у МНС сцвярджалі, што пажарныя маглі патрапіць пад абрушэнне даху або, наадварот, праваліцца скрозь падлогу.
Каментары