Галяндыя разграміла Францыю - 4:1 і выйшла ў чвэрцьфінал.
Першы тайм быў безгалявым. А ў другім першымі забілі румыны. Гол на рахунку форварда італьянскай «Фіярэнтыны» Адрыяна Муту.
Праўда, чэмпіёны сьвету ўжо праз хвіліну адыграліся. Па варотах пацэліў абаронца «Ромы» Крыстыяін Панучы. За тры хвіліны ў браму італьянцаў быў прызначаны досыць сумнеўны пэнальці.
Ёсьць такая думка, што сумнеўныя пэнальці не забіваюць. Так сталася і зараз. Героем двубою стаў Джанлюіджы Буфон («Ювэнтус»), які парыраваў удар усё таго ж Муту.
* * *
Увечары прайшоў надзвычай драйвавы і вясёлы матч Галяндыя - Францыя.
Аранжавыя забегалі французаў - 4:1 (Кюйт, Ван Пэрсі, Рабэн, Снайдэр - Анры).
Турнірнае становішча Галяндыя - 6, Румынія - 2, Францыя, Італія - па 1.
Такім чынам аранжавая дружына, якую трэніруе Марка ван Бастэн, выйшла датэрмінова ў чвэрцьфінал і таксама зь першага месца.
Апошні тур у гэтай групе будзе згуляны 17 чэрвеня: Галяндыя – Румынія, Францыя – Італія. Дарэчы, Матэрацы можа не баяцца, Зідан завершыў кар'еру : ).
Каментары