За школьныя падручнікі сёлета давядзецца заплаціць больш, чым летась
У 2025 годзе бацькам беларускіх школьнікаў і выхаванцаў дзіцячых садкоў давядзецца крыху больш заплаціць за карыстанне падручнікамі, чым у мінулым годзе. Гэта звязана з павелічэннем базавай велічыні, да якой прывязана плата.
Фота ілюстрацыйнае
У 2025 годзе падручнікі будуць каштаваць:
- для школьнікаў і гімназістаў — 21 рубель (гэта 50% ад базавай велічыні);
- для дзяцей у дзіцячых садках — 8 рублёў 40 капеек (20% ад базавай велічыні).
Шматдзетныя сем'і могуць разлічваць на льготы — яны плацяць за падручнікі ўсяго 10 рублёў 50 капеек (гэта 50% ад звычайнай сумы).
Бясплатна падручнікі выдаюцца:
- вучням санаторных школ-інтэрнатаў, спецыяльных навучальных і лячэбна-выхаваўчых устаноў;
- дзецям з асаблівасцямі псіхафізічнага развіцця;
- сіротам і дзецям без апекі бацькоў;
- дзецям-інвалідам да 18 гадоў і інвалідам з дзяцінства;
- дзецям з анкалагічнымі захворваннямі або туберкулёзам;
- дзецям з сем’яў, якія атрымліваюць дзяржаўную дапамогу на дзяцей старэйшых за тры гады;
- дзецям, у якіх адзін з бацькоў або апекуноў з’яўляецца інвалідам I або II групы.
Расійскія чыноўнікі хочуць павыпраўляць падручнікі гісторыі ў краінах СНД — ім не падабаецца, як пра Расію там пішуць
Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было»
Школьныя падручнікі па сацыяльна-гуманітарным цыкле рэцэнзуе БПЦ
«Спіс на лета»: тэрапеўтычны падкаст для тых, у каго школьная праграма адбіла цікавасць да беларускай літаратуры
Цяпер чытаюць
Ігар Тур патраціў мінімум 30 тысяч на прэміяльную кухню ФОТА29
Каментары