Жыхар кітайскай правінцыі Юньнань 27-гадовы Ян Цыньпэй прызнаўся ў забойстве сваіх бацькоў і 17 іншых жыхароў роднай вёскі Ема. Цыньпэя затрымалі ў сталіцы правінцыі, горадзе Куньмін, у 200 км ад месца злачынства.
Цыньпэй быў затрыманы ў чацвер. Яго пачалі шукаць пасля таго, як у вёсцы былі знойдзены целы яго ахвяр. Па словах прадстаўнікоў паліцыі, ён распавёў падрабязнасці злачынства.
Малады чалавек працаваў ў Куньміне і зрэдку прыязджаў у родную вёску. У апошні раз ён прыехаў туды ў сераду і застаўся ў гасцях у бацькоў.
Вечарам Цыньпэй пасварыўся з бацькамі пасля таго, як папрасіў у іх грошай. Падчас сваркі малады чалавек забіў бацьку і маці. Якім менавіта спосабам - не паведамляецца.
«Забіўшы бацькоў, ён захваляваўся, што злачынства могуць выявіць, і здзейсніў забойства яшчэ 17 чалавек», - цытуе Сіньхуа заяву паліцыі.
Сярод ахвяр Цыньпэя - чацвёра непаўналетніх, узрост забітых вар'іруецца ад 3 да 72 гадоў.
Цяпер чытаюць
Пракуратура пра смерць Мелказёрава: журналіст меў хранічную хваробу11
Каментары