«Шахцёр» стаў сярэбраным прызёрам футбольнага чэмпіянату, мінскае «Дынама» — бронзавым ФОТА
У перадапошнім туры футбольнага чэмпіянату краіны вызначыліся ўладальнікі сярэбраных і бронзавых медалёў.
Другое месца заняў «Шахцёр», які разграміў на сваім полі «Славію» — 5:1 (Януш, 6, Кавалёў, 48, 65, Лапцеў, 90, Бурко, 90+2 — Раеўскі, 18).
На трэцяй пазіцыі мінскае «Дынама», якое перамагло дома «Іслач» — 1:0 (Буднік, 38). Сталічная каманда адстае ад салігорцаў на тры ачкі і можа дагнаць іх у апошнім туры 27 лістапада, аднак «Шахцёр» захавае другі радок дзякуючы балансу яго сустрэч з дынамаўцамі (0:0 дома, 3:1 у гасцях).
Менавіта перамога салігорскага клуба ў 18-м туры прадвызначыла лёс медалёў: пасля гэтага абедзве каманды атрымалі па восем перамог і па тры разы згулялі ўнічыю.
Становішча каманд: БАТЭ — 67 (розніца мячоў 68-25), «Шахцёр» — 58 (45-19), «Дынама» Мн — 55 (46-27), «Мінск» — 50 (48-24), «Тарпеда-БелАЗ» — 47 (46-32), «Віцебск» — 42 (30-23), «Іслач» — 38 (33-40), «Гарадзея» — 38 (36-34), «Дынама» Бр — 37 (36-40), «Крумкачы» — 33 (24-38), «Славія» — 32 (32-49), «Слуцк» — 30 (22-32), «Нёман» — 29 (21-35), «Нафтан» — 26 (24-46), «Белшына» — 24 (33-44), «Граніт» — 24 (19-55).
Каманды, якія пакінуць вышэйшую лігу, стануць вядомыя ў заключным туры.
У апошнім туры сустракаюцца: «Белшына» — «Граніт», «Нёман» — «Нафтан», БАТЭ — «Гарадзея», «Тарпеда-БелАЗ» — «Шахцёр», «Славія» — «Дынама» Мн, «Мінск» — «Крумкачы», «Дынама» Бр — «Віцебск», «Іслач» — «Слуцк».
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»8
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары