У невялікім фінскім мястэчку Іматра каля паўночы былі застрэленыя мэр-жанчына і дзве журналісткі. Пра гэта са спасылкай на інфармацыю мясцовай паліцыі паведамляе Reuters.
Паводле інфармацыі паліцыі, сярод ахвяр была Цііна Вілен-Япінен — старшыня гарадской рады Іматры, у той час як дзве іншыя жанчыны аказаліся журналісткамі.
Цяпер вядома, што па падазрэнні ў забойстве затрыманы 23-гадовы мясцовы жыхар з крымінальным мінулым. Мужчына добраахвотна здаўся паліцыі на месцы злачынства.
Матывы забойства пакуль не высветленыя.
«На дадзены момант падобна, што ахвяры былі выбраныя выпадкова», — паведаміў на прэс-канферэнцыі інспектар Саку Тыелінен.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі2
Каментары