Прагназаваны ўзровень кампенсацыі насельніцтвам Мінска выдаткаў на аказанне паслуг водазабеспячэння і водаадвядзення ў 2017 годзе дасягне 75%, паведаміла 11 студзеня на прэс-канферэнцыі намеснік дырэктара па эканоміцы і фінансах УП «Мінскводаканал» Інэса Ксяндзова, паведамляе БелТА.
«Што тычыцца працэнта кампенсацыі насельніцтвам паслуг водазабеспячэння і водаадвядзення, то за 2016 год гэты паказчык перавысіў 50%, — сказала Інэса Ксяндзова. — Можна чакаць, што ў 2017 годзе ён дасягне 75% у адпаведнасці з заданнем урада».
Згодна з пастановай Савета міністраў, тарыфы для насельніцтва на паслугі водазабеспячэння і водаадвядзення, якія субсідзіруюцца дзяржавай, павялічыліся ў Мінску з 1 студзеня прыкладна на 90%. Тарыфы, якія забяспечваюць поўнае пакрыццё эканамічна абгрунтаваных выдаткаў на гэтыя паслугі, не змяніліся.
Цяпер чытаюць
Былы муж блогеркі, якая разам з 17‑гадовым жаніхом шыкавала на сабранае для хворага дзіцяці, раскрытыкаваў тых, хто гэтыя грошы ёй пераводзіў12
Каментары