Міністр інфраструктуры Украіны Уладзімір Амелян даручыў перайменаваць марскія парты і аб'екты чыгункі. Сваю пазіцыю ён растлумачыў неабходнасцю «пазбавіцца ад любых успамінаў аб акупацыі», піша rbc.ru.
У дакуменце, які Амелян апублікаваў у сваім Facebook, даручаецца прывесці аб'екты транспартнай інфраструктуры ў адпаведнасць з законам «Аб асуджэнні камуністычнага і нацысцкага таталітарных рэжымаў». У прыватнасці размова ідзе аб перайменаванні марскіх партоў «Іллічоўск», «Паўднёвы» і «Акцябрск», а таксама Паўднёвай і Паўднёва-заходняй чыгункі. У апошнім выпадку міністар патлумачыў сваю пазіцыю тым, што гэтыя аб'екты на самай справе знаходзяцца не на поўдні, а на поўначы і ў цэнтры Украіны.
У Facebook Амелян патлумачыў, што перайменаванне партоў неабходна для таго, каб «ліквідаваць усё, што было заклікана навязаць украінцам меркаванне, што яны адной крыві з ардынцамі, што яны такія ж лузеры і рабы, як і маскоўцы».
Міністр напісаў, што праблема расійска-ўкраінскіх адносін хаваецца не ў Пуціне, а пасля сыходу дзеючага прэзідэнта Расіі «ўкраінцы не павінны ўспамінаць казкі пра братэрскія і добрасуседскія адносіны». «На мяжы з Расіяй мы павінны дакладна разумець: на захадзе цывілізацыя, на ўсходзе - варвары», - падкрэсліў Амелян.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары