Прэзідэнт ЗША Дональд Трамп заявіў, што яго міграцыйныя абмежаванні, якія забараняюць уезд у Штаты грамадзянам сямі краін, накіраваныя на абарону амерыканцаў ад тэрарыстаў і не датычацца рэлігіі.
Пра гэта гаворыцца ў яго заяве адносна ўказу аб узмацненні жорсткасці міграцыйнай палітыкі, апублікаваным тэлеканалам ABC News ў Twitter.
«Хачу растлумачыць, што гэта не забарона для мусульман, як пра гэта няправільна паведамілі СМІ. Гэта не пытанне рэлігіі — гэта пытанне тэрарызму і спроба зрабіць нашу краіну больш бяспечнай», - гаворыцца ў яго заяве.
Трамп адзначыў, што «ў свеце існуе больш за 40 розных краін, у якіх большасць жыхароў — мусульмане, і гэты ўказ іх не тычыцца».
Нагадаем, прэзідэнт ЗША Дональд Трамп забараніў уезд у Штаты грамадзянам сямі краін — Ірака, Ірана, Лівіі, Самалі, Судана, Сірыі і Йемена.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню36
Каментары