Аўстралійскія раварысты праехалі 202-кіламетровы маршрут у выглядзе казла ФОТА
Група раварыстаў у аўстралійскім горадзе Перт праехала 202 кіламетры па маршруце, з якога на карце ў праграме Strava атрымалася выява казла, паведамляе ABC.net.au.
abc.net.au
12 сакавіка раварысты правялі за гэтым заняткам 8 гадзін.
«У Перце ўсе катаюцца на роварах каля ракі і вакол пагоркаў, гэта выдатныя месцы для язды, але цікава здзейсніць і нешта іншае», — распавёў рэпарцёру адзін з раварыстаў. Па яго словах, тое, што яны зрабілі — «проста вясёлы спосаб правесці нядзелю».
Раварысты вырашылі намаляваць менавіта казла, таму што «ён круты».
Пасля таго, як маршрут быў апублікаваны ў Strava, яго ацанілі раварысты з усяго свету. Група з Перта цяпер плануе «намаляваць» такім жа чынам і іншых жывёл.
Каментары