На экстраным пасяджэнні Савета Бяспекі ААН, скліканым для абмеркавання амерыканскага ракетнага ўдару па аэрадроме сірыйскіх урадавых ВПС, Вашынгтон і Масква абмяняліся ўзаемнымі абвінавачваннямі адносна негатыўных наступстваў дзеянняў адзін аднаго.
ЗША зробяць так, што Башар Асад больш не будзе ўжываць хімічную зброю, паабяцала пастаянны прадстаўнік Злучаных Штатаў у ААН Нікі Хэйлі.
«Прадухіленне распаўсюджвання і выкарыстання хімічнай зброі - неад'емная частка нашых нацыянальных інтарэсаў, - заявіла дыпламат. - Мы гатовыя пайсці далей, хоць спадзяемся, што гэтага не спатрэбіцца».
Спадарыня Хэйлі выказала ўпэўненасць у тым, што «ўзмацненне Асада прывядзе толькі да новых забойстваў», асуджаючы за падтрымку сірыйскага ўрада Расію і Іран.
Прадстаўнік РФ у Савеце Бяспекі Уладзімір Сафранкоў, са свайго боку, назваў дзеянні ЗША незаконнымі і якія граюць на руку «тэрарыстам».
«Вашы аднабаковыя дзеянні прывядуць рэгіён да жудасных трагедый», - заявіў ён.
А брытанскі прадстаўнік Мэцью Райкрофт назваў амерыканскі ўдар «прапарцыйным адказам на неймаверны акт» [хімічную атаку, у якой сірыйская апазіцыя і Захад абвінавачваюць рэжым Асада].
Па дадзеных мясцовых медыкаў, распыленне высокатаксічнага газу зарын ў кантраляваным сірыйскай апазіцыяй населеным пункце Хан-Шэйхун 4 красавіка, прывяло да згубы 89 чалавек, сярод якіх 33 дзяцей і 18 жанчын. Афіцыйны Дамаск адмаўляе сваю датычнасьць да хімічнай атакі.
У ноч на пятніцу два амерыканскія эсмінцы, якія знаходзяцца ў Міжземным моры на поўдзень ад Кіпра, выпусцілі 59 крылатых ракет «Тамагаўк» па аэрадроме Шэйрат на захадзе правінцыі Хомс. У Вашынгтоне сцвярджаюць, што менавіта адсюль вылецелі самалёты, якія здзейснілі хімічную атаку.
Цяпер чытаюць
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары