Брытанская галерэя сучаснага мастацтва Tate Modern пераназвала свой новы будынак, адкрыты ў 2016 годзе, у Blavatnik Building у гонар мільярдэра Леанарда Блаватніка, які зрабіў адно з найбуйнейшых ахвяраванняў у гісторыі музея. Пра гэта паведамляе The Guardian.
Будынак раней называўся Switch House, ён быў спраектаваны швейцарскім архітэктурным бюро Herzog & de Meuron Architekten і будаваўся ад 2009 года.
Фонд сям'і Блаватніка зрабіў ахвяраванне Tate у 2011 годзе ў памеры £260 мільёнаў (каля €300 мільёнаў), якіх не хапала для завяршэння будаўніцтва новага будынка галерэі, піша Guardian. Урад Вялікабрытаніі і мясцовыя ўлады вылучылі на гэтыя мэты толькі £58 мільёнаў (каля €68 мільёнаў).
Блаватнік нарадзіўся ў Адэсе ў 1957 годзе, у 1978-м эміграваў у ЗША, у 1984 годзе стаў грамадзянінам гэтай краіны, у 2010-м — падданым Злучанага Каралеўства.
Бізнэсмэн з'яўляецца заснавальнікам і старшынёй холдынгавай кампаніі Access Industries, якая кантралюе Warner Music Group і найбуйнейшага ў свеце вытворцу поліпрапілена LyondellBasell Industries NV.
У 2015 годзе выданне The Sunday Times назвала Блаватніка найбагацейшым чалавекам у Вялікабрытаніі, ацаніўшы яго багацце ў больш чым £17,1 млрд (каля €20 мільярдаў). Аднак у 2016 годзе, па версіі выдання, ён страціў дзве пазіцыі і толькі замкнуў топ-3 найбагацейшых жыхароў краіны.
У мінскім метро праходзяць выпрабаванні новыя цягнікі ФОТЫ3
Каментары