Топ-10 самых вядомых сучасных беларускіх пісьменнікаў: наперадзе Бахарэвіч і Горват
Паўгода таму «Вэлком» узяўся за прасоўванне сучаснай беларускай літаратуры і запусціў маштабны праект «Мовабокс». У кавярнях і арт-прасторах па ўсёй краіне з'явіліся адмысловыя скрыні, дзе можна было адшукаць і ўзяць дадому пачытаць творы нашых пісьменнікаў.
Такім чынам кампанія вырашыла пазмагацца са стэрэатыпным уяўленнем пра беларускую літаратуру і паказаць, што не ўсё круціцца вакол вайны, партызаншчыны і селяніна.
Перад пачаткам акцыі «Вэлком» правёў інтэрнэт-апытанне і склаў пэўны вобраз літаратуры ва ўспрыманні беларусаў. Праз паўгода, пасля завяршэння першага этапу «Мовабоксу», гэты вобраз абнавілі і паказалі, як ён змяніўся за гэты час.
* * *
Што такое «Мовабокс»
У межах праекта беларусаў знаёмілі з творамі чатырох разнапланавых аўтараў: ад прыгодніцкага фэнтэзі Людмілы Рублеўскай да авангардысцкіх вершаў Віктара Жыбуля. Ад казкі-антыўтопіі пра самавызначэнне ад Альгерда Бахарэвіча да пошуку ўласнага Космасу ў беларускай глыбінцы разам з Андрусём Горватам.
У цэнтры ўвагі на кожным з этапаў знаходзіўся адмысловы набор «Мовабокс» — кніга і звязаныя з ёю прадметы-артэфакты. З іх дапамогай не толькі змест, але настрой і атмасфера раскрываліся больш выразна. Атрымаць гэты набор можна было толькі ў падарунак, прайшоўшы тэст на сайце праекта movabox.by.
У кавярнях Мінска і яшчэ шасці гарадоў кнігі аўтараў-удзельнікаў і іншых беларускіх пісьменнікаў можна было знайсці ў спецыяльных скрынях для беларускамоўнага буккросінгу.
У блiжэйшы час праект «Мовабокс» працягнецца ў фармаце беларускамоўнага буккросінгу ў сямі гарадах Беларусi, а таксама ў выглядзе movabot.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА2
Каментары