Top-10 samych viadomych sučasnych biełaruskich piśmieńnikaŭ: napieradzie Bacharevič i Horvat
Paŭhoda tamu «Vełkom» uziaŭsia za prasoŭvańnie sučasnaj biełaruskaj litaratury i zapuściŭ maštabny prajekt «Movaboks». U kaviarniach i art-prastorach pa ŭsioj krainie źjavilisia admysłovyja skryni, dzie možna było adšukać i ŭziać dadomu pačytać tvory našych piśmieńnikaŭ.
Takim čynam kampanija vyrašyła pazmahacca sa stereatypnym ujaŭleńniem pra biełaruskuju litaraturu i pakazać, što nie ŭsio krucicca vakoł vajny, partyzanščyny i sielanina.
Pierad pačatkam akcyi «Vełkom» pravioŭ internet-apytańnie i skłaŭ peŭny vobraz litaratury va ŭsprymańni biełarusaŭ. Praz paŭhoda, paśla zaviaršeńnia pieršaha etapu «Movaboksu», hety vobraz abnavili i pakazali, jak jon źmianiŭsia za hety čas.
* * *
Što takoje «Movaboks»
U miežach prajekta biełarusaŭ znajomili z tvorami čatyroch raznapłanavych aŭtaraŭ: ad pryhodnickaha fentezi Ludmiły Rubleŭskaj da avanhardysckich vieršaŭ Viktara Žybula. Ad kazki-antyŭtopii pra samavyznačeńnie ad Alhierda Bachareviča da pošuku ŭłasnaha Kosmasu ŭ biełaruskaj hłybincy razam z Andrusiom Horvatam.
U centry ŭvahi na kožnym z etapaŭ znachodziŭsia admysłovy nabor «Movaboks» — kniha i źviazanyja ź joju pradmiety-artefakty. Ź ich dapamohaj nie tolki źmiest, ale nastroj i atmaśfiera raskryvalisia bolš vyrazna. Atrymać hety nabor možna było tolki ŭ padarunak, prajšoŭšy test na sajcie prajekta movabox.by.
U kaviarniach Minska i jašče šaści haradoŭ knihi aŭtaraŭ-udzielnikaŭ i inšych biełaruskich piśmieńnikaŭ možna było znajści ŭ śpiecyjalnych skryniach dla biełaruskamoŭnaha bukkrosinhu.
U bližejšy čas prajekt «Movaboks» praciahniecca ŭ farmacie biełaruskamoŭnaha bukkrosinhu ŭ siami haradach Biełarusi, a taksama ŭ vyhladzie movabot.
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary