Невядомая жанчына ў адным з гандлёвых цэнтраў Гомеля скрала кашалёк з буйной сумай грошай, якія пацярпелая збірала на аперацыю свайму дзіцяці. Пра гэта БЕЛТА паведаміў афіцыйны прадстаўнік УУС Гомельскага аблвыканкама Юрый Пількевіч.
Інцыдэнт адбыўся ў 10.20 18 мая ў магазіне «Чарнігаўскі» абласнога цэнтра. «Кашалёк выпаў з сумкі пацярпелай, калі яна стаяла ў чарзе ў касу. Невядомая жанчына незаўважна падняла яго і знікла з гандлёвага цэнтра. Праўда, паспела трапіць у аб'ектыў камер відэаназірання», — сказаў афіцыйны прадстаўнік УУС.
У кашальку знаходзілася буйная сума (1 тыс. 645 еўра, $320 і Br75), якія пацярпелая збірала на аперацыю свайму дзіцяці.
Супрацоўнікі праваахоўных органаў высвятляюць асобу зламысніцы. Яе прыкметы: 40-45 гадоў, сярэдняга росту, шчыльнага целаскладу, валасы светлыя, кароткія.
Грамадзян, якія валодаюць якой-небудзь інфармацыяй аб гэтым здарэнні, просяць паведаміць па тэлефонах 8 (029) 608-26-02 або 102
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары