Дзяўчына была бежанкай з Марыупаля.
У нямецкім горадзе Фрыдланд забілі 16‑гадовую ўкраінку. Дзяўчыну штурхнулі пад грузавы цягнік на чыгуначным вакзале, паведамляе Украінская праўда са спасылкай на нямецкія СМІ
Трагедыя адбылася 11 жніўня каля 16:00 па мясцовым часе. 31‑гадовы грамадзянін Ірака штурхнуў 16‑гадовую Ліяну пад грузавы цягнік, які праязджаў міма. Цягнік рухаўся з хуткасцю каля 100 кіламетраў за гадзіну.
Незадоўга да гэтага паліцыя атрымала выклік з нагоды хуліганства на вакзале. Прыбыўшы на месца, патруль знайшоў мужчыну, які паказаў на цела дзяўчыны на платформе. Той патлумачыў, што проста знайшоў яе, і, паколькі іншых падазрэнняў не ўзнікла, праваахоўнікі не затрымлівалі яго.
Праведзеныя даследаванні ДНК выявілі сляды мужчыны на правым плячы забітай дзяўчынкі. Гэта дазволіла зрабіць выснову, што яе моцна схапілі. Пасля гэтага мужчыну затрымалі, узялі пад варту і паведамілі падазрэнне ў ненаўмысным забойстве. Пазней у яго крыві было выяўлена 1,35 ‰ алкаголю. Яго даставілі ў спецыялізаваны псіхіятрычны шпіталь. Паводле паведамлення NDR, у мінулым у яго дыягнаставалі паранаідальную шызафрэнію.
Паводле даных пракуратуры, пра папярэднія сувязі паміж падазраваным і яго ахвярай нічога не вядома.31‑гадовы мужчына цяпер маўчыць і не каментуе выстаўленыя супраць яго абвінавачванні.
У момант здарэння 16‑гадовая дзяўчына размаўляла па тэлефоне з дзедам, які чуў яе крыкі. Улічваючы гэта, бацькі загінулай адразу выказалі сумневы да версіі паліцыі пра няшчасны выпадак. Гэта трагедыя шакавала мясцовую супольнасць.
Вядома, што 16‑гадовая дзяўчына разам са сваімі двума малодшымі братамі і бацькамі ў 2022 годзе выехала з Марыупаля і знайшла прытулак у Нямеччыне. Ліяна вучылася на асістэнта стаматолага.
Мясцовая супольнасць арганізавала збор сродкаў на пахаванне загінулай. На дадзены момант удалося сабраць больш за 24 тысячы еўра.
У ходзе расследавання таксама ўстаноўлена, што грамадзянін Ірака некалькі гадоў пражываў у Нямеччыне, нягледзячы на адмову ў наданні прытулку і рашэнне аб дэпартацыі ён заставаўся ў краіне.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам16
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары
Калі б НН больш пісала пра гэта, беларусы можа б зразумелі. Вось нядаўна ў Нідэрландах быў вялікі скандал з гвалтаўніком і забойцам з Нігерыі. Але тут пра гэта не пісалася, а пра Тэйлар Свіфт так.
Як раз кружылі вакол вакўала ў Фрыдландзе..