Навукоўцы вылавілі рыбу «без твару», якая 150 гадоў лічылася зніклай
Аўстралійскія даследчыкі злавілі на глыбіні 4000 метраў вельмі незвычайную «рыбу без твару», піша Tut.by са спасылкай на мясцовы тэлеканал ABC.
У буйной рыбы ёсць ноздры і нос, але няма твару і не відаць вачэй. Даследчыкі мяркуюць, што яны размешчаныя пад скурай.
Выданне не прыводзіць назву віду, аднак паведамляе, што ў мінулы раз гэтую рыбу бачылі ў 1870-х гадах — тады яе злавіла каманда карвета HMS Challenger. Пасля экспедыцыі ніхто з гэтай рыбай не сутыкаўся, від лічыўся зніклым.
Незвычайную рыбу знайшло Дзяржаўнае аб'яднанне навуковых і прыкладных даследаванняў у Аўстраліі падчас даследавання «ўсходняй бездані», якая распасціраецца ад паўночнай Тасманіі да цэнтральнага Квінслэнду.
Мэта даследавання — пошук новых відаў. Для гэтага навукоўцы пагрузілі сетку з падводнай камерай, якая зняла дзіўных водных насельнікаў.
Цяпер чытаюць
Пракуратура пра смерць Мелказёрава: журналіст меў хранічную хваробу20
Каментары