Меркаваныя лонданскія тэрарысты былі выхадцамі з Пакістана і Марока, адзін з іх доўгі час жыў у Ірландыі. Паводле непацверджанай інфармацыі, усе трое былі жанатыя, піша DW.
Лонданская паліцыя ў панядзелак, 5 чэрвеня, апублікавала імёны і здымкі дваіх з траіх меркаваных злачынцаў, якія здзейснілі тэракт у ноч на 4 чэрвеня.
Афіцыйная працэдура апазнання целаў яшчэ не праведзена, аднак паліцыя зыходзіць з таго, што нападнікамі былі Хурам Шазад Бат, 27-гадовы падданы Вялікабрытаніі, які нарадзіўся ў Пакістане, а таксама Рашыд Рэдуан, 30-гадовы грамадзянін Марока або Лівіі, які таксама насіў прозвішча Эльхдар. Абодва жылі ў раёне Баркінг ва ўсходняй частцы Лондана. Асоба трэцяга нападніка пакуль не ўстаноўлена.
Брытанскія СМІ таксама паведамляюць дэталі пра меркаваных злачынцаў. Выхадзец з Пакістана быў жанаты і меў дзяцей. Жонку грамадзяніна Марока затрымалі падчас антытэрарыстычных рэйдаў, піша медыякампанія ВВС.
Адзін з тэрарыстаў нібыта пэўны час жыў у Ірландыі. Пасля таго, як ён быў забіты, у кішэні ў яго знайшлі дазвол на знаходжанне ў гэтай краіне, паведаміла інфармацыйнае агенцтва AP са спасылкай на крыніцы, блізкія да следства. Паводле непацверджаных звестак, мужчына пражываў у Дубліне і быў жанаты з грамадзянкай Шатландыі.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары