Рэгбіст аўстралійскага клуба «Уорынг» памёр ад траўмаў, атрыманых падчас матча нацыянальнага чэмпіянату з «Горданам». Пра гэта паведамляюць інфармагенцтвы са спасылкай на The Guardian.
«Смерць наступіла ў выніку інцыдэнту, што пацягнула траўмы, несумяшчальныя з жыццём», — гаворыцца ў паведамленні клуба «Уорынг».
Медыкі выбеглі на поле адразу пасля інцыдэнту, але не здолелі выратаваць 25-гадовага спартоўца, імя якога не называецца. Характар пашкоджанняў, атрыманых рэгбістам, таксама не раскрываецца.
Адзначаецца, што ўсе матчы, якія павінны былі адбыцца на стадыёне «Рэт Парк» — хатняй арэне клуба «Уорынг», адмененыя.
Летам 2014 года 17-гадовы навазеландскі рэгбіст Джордан Кемп памёр з-за траўмы галавы, атрыманай падчас матчу паміж камандамі «Отаматэа» і «Марыст».
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары