Беларуску, якая запускала дрон над урадавымі будынкамі ў Варшавы, зрабілі сведкай і адпусцілі
17‑гадовую беларуску, затрыманую за запуск дрона ў Варшаве, дапыталі як сведку і адпусцілі, піша Gazeta Wyborcza.
21‑гадовага грамадзяніна Украіны, які 15 верасня кіраваў дронам над урадавымі будынкамі і Бельведэрам у Варшаве, паліцыя абвінаваціла ў парушэнні авіяцыйнага заканадаўства і перадала Памежнай службе з хадайніцтвам аб дэпартацыі.
Хлопец можа быць асуджаны да пяці гадоў пазбаўлення волі.
17‑гадовую беларуску, якая, як паведамлялася, прыехала ў Польшчу ўсяго за некалькі дзён да здарэння, дапыталі як сведку і адпусцілі.
Малады чалавек жыў у гэтай краіне ўжо 8 гадоў.
Інцыдэнт адбыўся ў панядзелак, 15 верасня.
Беларуску і ўкраінца затрымалі ўвечары 15 верасня ў варшаўскім парку Лазенкі. Дрон яны запускалі над урадавымі будынкамі і адной з рэзідэнцый прэзідэнта — палацам Бельведэр. Супрацоўнікі службы бяспекі з дапамогай спецабсталявання прымусілі апарат вярнуцца ў аварыйным рэжыме да аператараў.
Следства шукала сляды магчымых кантактаў з заказчыкам. Аднак не выключала, што гэта звычайныя турысты.
У Польшчы з меркаванняў бяспекі палёты дронаў над урадавымі будынкамі і іншымі аб'ектамі крытычнай інфраструктуры забароненыя. На такіх аб'ектах устаноўленыя адпаведныя таблічкі. Кожны аператар дрона, які мае ліцэнзію, у спецыяльным дадатку можа праверыць, дзе дазволена, а дзе забаронена лётаць. Кожны палёт неабходна зарэгістраваць праз мабільны дадатак DroneTower — афіцыйную праграму Польскага агенцтва паветраплавання.
-
Пуцін на закрытай сустрэчы з буйнымі бізнэсменамі прапанаваў ім добраахвотна прафінансаваць вайну з Украінай
-
У ЗША збіраюцца выпускаць даляры з подпісам Трампа
-
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары