Нацыянальны банк Беларусі з 1 ліпеня выводзіць расійскі рубель са складу золатавалютных рэзерваў і цалкам пераходзіць на міжнародныя стандарты пры разліку. Пра гэта гаворыцца ў прэс-рэлізе беларускага рэгулятара.
З 2004 года Нацбанк публікаваў паказчыкі рэзерваў, разлічваючы іх адразу па дзвюх методыках: нацыянальнай і той, якая абапіраецца на стандарты МВФ. Нацыянальныя стандарты ўключалі ў склад рэзерваў не толькі расійскі рубель, але і каштоўныя камяні і металы, якія не адносяцца да манетарнага золата.
Пераход на міжнародныя стандарты, як гаворыцца ў заяве рэгулятара, дапаможа ўдасканальваць кіраванне золатавалютнымі рэзервамі, а таксама досвед, атрыманы «у ходзе ўдзелу ў Праграме па кансультаванні і кіраванні рэзервамі Сусветнага банка, рэкамендацый МВФ і практыкі кіравання афіцыйнымі рэзервовымі актывамі цэнтральнымі банкамі іншых дзяржаў».
На 1 чэрвеня рэзервы Беларусі, разлічаныя па міжнародных стандартах, складалі 5,2 млрд даляраў, па нацыянальных — 5,6 млрд даляраў.
Цяпер чытаюць
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары