Беларускія блогеры вырашылі аб’яднаць свае сілы, каб дапамагчы Міхасю Ларыну хлопцу, якому тэрмінова патрабуецца апэрацыя коштам 350 тыс. эўра.
Сабраць грошы блогеры зьбіраюцца, перамогшы ў адным з інтэрнэт-конкурсаў. Для гэтага ім трэба з нуля стварыць блог, які па выніках конкурсу будзе вышэй сваіх супернікаў у рэйтынгу Яндэкс.Блогі да 10 кастрычніка. Пераможца атрымае 4000 даляраў, і менавіта гэтую суму беларускія блогеры пастанавілі перадаць у фонд дапамогі Міхасю Ларину. Туды сама яны зьбіраюцца перадаць прыбыткі ад рэклямы, якая зьмяшчаецца на блогу.
Блог трымаецца ў лідэрах, аднак для перамогі, кажа адміністратар рэсурсу, блогер і журналіст Арсень Краўчанка, «неабходна, каб на нас як мага болей спасылаліся іншыя блогеры, а таксама каб нас чытала як мага болей людзей ”. Блог, створаны добраахвотнікамі, піша на самыя розныя тэмы, у тым ліку пра інтэрнэт, байнэт і чалавека ў ім. Падрабязьней пра акцыю тут.
Кантакты ініцыятараў: [email protected] або [email protected], ICQ: 166510200.
Дадатковая інфармацыя пра Міхася й акцыю даступная на сайце праекту.
Як пералічыць грошы
Пералічыць грошы Міхасю вельмі проста — дастаткова зайсьці ў любое аддзяленьне «Беларусбанку» й мець з сабой рэквізыты ягонага рахунку. Квітанцыю запаўняць ня трэба, пашпарт не патрэбны.
Кашалькі Webmoney. У далярах ЗША — Z622038393970, эўра — E286206891870, расейскіх рублях R695931672751, беларускіх рублях — B411817094794.
Каментары