Эканоміка Беларусі асцярожна выходзіць на станоўчую дынаміку. Пра гэта Аляксандр Лукашэнка заявіў сёння на ўрачыстым сходзе, прысвечаным Дню Незалежнасці Беларусі.
Кіраўнік дзяржавы адзначыў, што жыццё складаецца з узлётаў і падзенняў, і два мінулыя гады былі вельмі складанымі.
«Многія гэта адчулі на сабе. Аднак народ праявіў вытрымку і, галоўнае, цярпенне, не паддаўся на пустыя лозунгі і заклікі. Мы, аб'яднаўшы намаганні, кожны на сваім месцы, сумленна выконвалі сваю працу. І разам змаглі пераламаць сітуацыю! — заявіў Аляксандр Лукашэнка. — І гэта дзякуючы таму, што мы — абсалютна зямны народ. Ніхто ніколі нічога не зробіць без неймавернай працы. І толькі той, хто будзе працаваць, зможа застацца наверсе ў гэтым жыцці на гэтай планеце. Нічога іншага! толькі праца, веды, адукацыя».
«Вынікі апошніх месяцаў паказваюць, што эканоміка краіны вельмі павольна і асцярожна выходзіць на патрэбную для нас станоўчую дынаміку», - заўважыў кіраўнік дзяржавы.
«Але галоўная наша каштоўнасць — народ. Менавіта таму дзяржаўная палітыка падпарадкавана прынцыпу: усё для выгады чалавека. Гэта — кіраўніцтва да дзеяння дня ўсіх органаў улады. Бо рэспубліка з'яўляецца сапраўды народнай!» — падкрэсліў беларускі лідар.
Паводле слоў кіраўніка краіны, сёння ў Беларусі робіцца стаўка на эканоміку ведаў, роля якой у сучасным свеце каласальна ўзрасла. «Наша амбіцыйная, але дасягальная мэта — стварыць IT- краіну. Рашэнне дадзенай задачы дазволіць нам зрабіць Беларусь яшчэ больш сучаснай і квітнеючай, а беларусам — з упэўненасцю глядзець у будучыню», - сказаў Аляксандр Лукашэнка.
Ён звярнуў увагу, што гэта не проста амбіцыйная задача, а задача на выжыванне. Ён нагадаў, што напярэдадні прэзідэнт Расіі сказаў, што калі расіяне і беларусы не вырашаць яе, то лёсу ў іх няма. «І я з ім абсалютна згодны. Вы бачыце, у якім напрамку развіваецца свет. Гэта не толькі вадзіцелі не патрэбныя ў аўтамабілях — усё будзе перамяшчацца і лётаць без кіравання чалавека», - вобразна адзначыў кіраўнік краіны.
-
Пад Мінскам адкрылі завод, дзе робаты выпускаюць духавыя шафы
-
«Часта на «хіміі» складана рабіць самыя простыя рэчы». Ціханоўская выказала спачуванні з прычыны смерці Алены Панковай
-
Беларуска, якая вырабляе брошкі ў выглядзе дзяўчат з чырвона-зялёнымі какошнікамі, шчыра не разумее, чаму яе крытыкуюць
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»10
Каментары