Ekanomika Biełarusi aściarožna vychodzić na stanoŭčuju dynamiku. Pra heta Alaksandr Łukašenka zajaviŭ siońnia na ŭračystym schodzie, pryśviečanym Dniu Niezaležnaści Biełarusi.
Kiraŭnik dziaržavy adznačyŭ, što žyćcio składajecca z uźlotaŭ i padzieńniaŭ, i dva minułyja hady byli vielmi składanymi.
«Mnohija heta adčuli na sabie. Adnak narod prajaviŭ vytrymku i, hałoŭnaje, ciarpieńnie, nie paddaŭsia na pustyja łozunhi i zakliki. My, abjadnaŭšy namahańni, kožny na svaim miescy, sumlenna vykonvali svaju pracu. I razam zmahli pierałamać situacyju! — zajaviŭ Alaksandr Łukašenka. — I heta dziakujučy tamu, što my — absalutna ziamny narod. Nichto nikoli ničoha nie zrobić bieź niejmaviernaj pracy. I tolki toj, chto budzie pracavać, zmoža zastacca naviersie ŭ hetym žyćci na hetaj płaniecie. Ničoha inšaha! tolki praca, viedy, adukacyja».
«Vyniki apošnich miesiacaŭ pakazvajuć, što ekanomika krainy vielmi pavolna i aściarožna vychodzić na patrebnuju dla nas stanoŭčuju dynamiku», - zaŭvažyŭ kiraŭnik dziaržavy.
«Ale hałoŭnaja naša kaštoŭnaść — narod. Mienavita tamu dziaržaŭnaja palityka padparadkavana pryncypu: usio dla vyhady čałavieka. Heta — kiraŭnictva da dziejańnia dnia ŭsich orhanaŭ ułady. Bo respublika źjaŭlajecca sapraŭdy narodnaj!» — padkreśliŭ biełaruski lidar.
Pavodle słoŭ kiraŭnika krainy, siońnia ŭ Biełarusi robicca staŭka na ekanomiku viedaŭ, rola jakoj u sučasnym śviecie kałasalna ŭzrasła. «Naša ambicyjnaja, ale dasiahalnaja meta — stvaryć IT- krainu. Rašeńnie dadzienaj zadačy dazvolić nam zrabić Biełaruś jašče bolš sučasnaj i kvitniejučaj, a biełarusam — z upeŭnienaściu hladzieć u budučyniu», - skazaŭ Alaksandr Łukašenka.
Jon źviarnuŭ uvahu, što heta nie prosta ambicyjnaja zadača, a zadača na vyžyvańnie. Jon nahadaŭ, što napiaredadni prezident Rasii skazaŭ, što kali rasijanie i biełarusy nie vyrašać jaje, to losu ŭ ich niama. «I ja ź im absalutna zhodny. Vy bačycie, u jakim napramku raźvivajecca śviet. Heta nie tolki vadzicieli nie patrebnyja ŭ aŭtamabilach — usio budzie pieramiaščacca i lotać biez kiravańnia čałavieka», - vobrazna adznačyŭ kiraŭnik krainy.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary