ЦВК задаволіла 5 скаргаў з 30-ці. Камісія пакідала безальтэрнатыўнымі акругі, у якіх акруговыя камісіі пазьнімалі адзіных супернікаў прадстаўнікоў улады.
ЦВК задаволіла 5 скаргаў з 30-ці. Камісія пакідала безальтэрнатыўнымі акругі, у якіх акруговыя камісіі пазьнімалі адзіных супернікаў прадстаўнікоў улады.
Цэнтральная выбарчая камісія разгледзела скаргі 30 незарэгістраваных кандыдатаў з рэгіёнаў у дэпутаты палаты прадстаўнікоў чацьвёртага скліканьня. Зь іх ЦВК задаволіла толькі 5. 24-м прэтэндэнтам на дэпутацкія мандаты далі адмоўны адказ. Яшчэ адну скаргу дадаткова разгледзяць у чацьвер.
Сярод 30 былі і незарэгістраваныя кандыдаты з адзінага сьпісу Аб’яднаных дэмакратычных сілаў. Скаргу двух зь іх – прадпрымальніцы Ірыны Яскевіч і чальца Партыі камуністаў Беларускай Міхаіла Селівонца задаволілі.
Спадарыня Ірына даказала, што ў акруговай камісіі памыліліся, калі лічылі подпісы. А кіраўнікі акруговай камісіі, дзе будзе балятавацца Міхаіл Селівонец, не прадставілі дакумэнтальных доказаў, што, нібыта, подпісы за яго зьбіралі два розныя сябры ініцыятыўнай групы пад адным прозьвішчам.
А вось доказы яшчэ 8 прэтэндэнтаў з адзінага сьпісу не задаволілі. Сярод іх Сяргей Салаш, Іван Крук ды іншыя.
Паводле сёньняшняга рашэньня ЦВК кандыдатамі ў дэпутаты стаў таксама журналіст Анатоль Букас.
У чацьвер Цэнтравыбаркам разгледзіць скаргі незарэгістраваных кандыдатаў зь менскіх выбарных акругаў. Іх набралася 20.
Зьвярнула ўвагу, што ЦВК пацяьвярджаў зьняцьцё, пакідаў безальтэрнатыўнымі акругі, у якіх акруговыя камісіі пазьнімалі адзіных супернікаў прадстаўнікоў улады. Так, нібы ёсьць нейкі палітычны заказ, каб істотная частка акругаў аказаліся безальтэрнатыўнымі.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары