Астраномы паўторна злавілі «радыёсігнал прышэльцаў» з далёкай галактыкі
Астраномы з праекта Breakthrough Listen упершыню зафіксавалі адразу некалькі паўтораў загадкавага радыёсігналу FRB 121102, крыніца якога меркавана знаходзіцца ў галактыцы за тры мiльярды светлавых гадоў ад Зямлі, паведамляе прэс-служба фонда Breakthrough Initiative.
«Мы назіралі за меркаванымі крыніцамі FRB-выбліскаў у рамках нашай праграмы па пошуку слядоў пазаземнага розуму ля бліжэйшых зорак. Раніцай у суботу 26 жніўня астраном Вішал Гайджар з універсітэта Каліфорніі ў Берклі, назіраў за FRB 121.102 пры дапамозе тэлескопа ў Грын-Бэнкс. Агулам яму і іншым удзельнікам праекту ўдалося зафіксаваць 15 новых выбліскаў, якія зыходзілі ад FRB 121102, што пацвердзіла, што крыніца існуе, і раскрыла некалькі раней невядомых яго асаблівасцяў», — паведамляе фонд.
Упершыню пра існаванне таямнічых выбліскаў радыёвыпраменьвання (fast radio-burst, FRB) астраномы загаварылі ў 2007 годзе, калі яны былі выпадкова адкрытыя падчас назіранняў за радыёпульсарамі пры дапамозе тэлескопа Паркс у Аўстраліі.
Увесну пазамінулага года навукоўцы высветлілі, што крыніцай адной з такіх FRB-выбліскаў была эліптычная галактыка, размешчаная ў 6 мільярдах светлавых гадоў ад Млечнага Шляху, што прымусіла іх выказаць думку, што падобныя воплескі нараджаюцца падчас зліцця нейтронных зорак ці іншых кампактных аб'ектаў, якія ператвараюцца ў чорную дзірку.
У далейшым астрафізікі выявілі, што FRB-ўспышкі паўтараюцца, тым самым паставіўшы гэтыя тэорыі пад сумнеў.
Поўны аналіз вынікаў назіранняў будзе ў бліжэйшы час апублікаваны ў адным з рэцэнзаваных навуковых часопісаў.
-
Сэрвіс, які дазваляе дзяўчатам абменьвацца звесткамі пра мужчын, стаў самым папулярным у ЗША. Але нешта пайшло не так
-
Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній
-
Праз Сонечную сістэму ляціць аб'ект, паводзіны якога нагадваюць кіраваны касмічны карабель
Каментары