Віцебскі гарадскі аддзел Следчага камітэта завяршыў расследаванне крымінальнай справы ў дачыненні да жыхара Ленінградскай вобласці Расіі, які абвінавачваецца ў здзяйсненні злачынстваў супраць палавой свабоды, паведамілі ва УСК па Віцебскай вобласці.
Паводле даных следства, 39-гадовы мужчына з красавіка па жнівень 2017 года вёў перапіску ў інтэрнэце з дзвюма жыхаркамі Віцебска. Калі ён атрымаў згоду апошніх на заняткі прастытуцыяй за грашовае ўзнагароджанне ў Санкт-Пецярбургу, прыбыў у Віцебск з мэтай дастаўкі дзяўчат у Расію. Як паведамлялася, мужчына быў затрыманы супрацоўнікамі органаў унутраных спраў пры пасадцы ў аўтобус Віцебск — Санкт-Пецярбург.
Акрамя таго, выяўлена, што мужчына па папярэдняй змове з 19-гадовай грамадзянкай Таджыкістана і іншымі асобамі ў студзені-лютым бягучага года ажыццяўляў аналагічную перапіску ў інтэрнэце з дзяўчатамі, якія пражываюць у іншых рэгіёнах Беларусі. Па яго загадде грамадзянка Таджыкістана ў лютым прыбыла ў Гомель, дзе правяла вярбовачныя гутаркі з дзяўчатамі. Дасягнуўшы дамоўленасці па іх вывазе для заняткаў прастытуцыяй, яна набыла квіткі на цягнік Гомель — Санкт-Пецярбург, аднак была затрыманая супрацоўнікамі органаў унутраных спраў пры пасадцы ў цягнік на вакзале Гомеля.
Судом Чыгуначнага раёна Гомеля 19-гадовая дзяўчына прысуджаная да 5 гадоў пазбаўлення волі з канфіскацыяй маёмасці з адбываннем пакарання ў папраўчай калоніі агульнага рэжыму. «Знаходзячыся ў месцах пазбаўлення волі, яна ўбачыла сюжэт на канале нацыянальнага тэлебачання пра затрыманне ў жніўні ў Віцебску мужчыны, які спрабаваў вывезці дзяўчат у Санкт-Пецярбург для заняткаў прастытуцыяй. У затрыманым яна пазнала чалавека, які адправіў яе ў Гомель з мэтай прывезці дзвюх дзяўчат», — адзначыла Святлана Сахарава.
Следчыя выставілі абвінавачванне мужчыну па ч. 1 арт. 14, ч. 2 арт. 171 і ч. 1 арт. 14, ч. 2 арт. 171 (замах на арганізацыю і выкарыстанне заняткаў прастытуцыяй іншымі асобамі, спалучаныя з вывазам за межы дзяржавы асобы для заняткаў прастытуцыяй, пры адсутнасці прыкмет больш цяжкага злачынства, учыненыя асобай, якая раней здзейсніла злачынства, прадугледжанае арт. 171 Крымінальнага кодэкса) КК РБ. З моманту затрымання абвінавачваны ўтрымліваецца пад вартай.
Па крымінальнай справе следчымі выяўленыя і дапытаныя сведкі па ўсіх эпізодах абвінавачвання, атрыманы характарызуючыя звесткі аб абвінавачаным, вывучаная яго асоба, накладзены арышт на яго маёмасць (мабільныя тэлефоны і грашовыя сродкі) на агульную суму больш за 1400 рублёў.
Папярэдняе расследаванне завершанае. Матэрыялы крымінальнай справы перададзеныя пракурору для накіравання ў суд.
Кіраўнік Ліды заклікаў сілавікоў не спыняць палітычных рэпрэсій28
Каментары