Шмат пра Украіну і нічога пра Расію: у ЕС зрабілі агляд расійскага тэлебачання
За тыдзень прагляду расійскага тэлебачання можна вельмі шмат пачуць пра падзеі ў свеце, аднак не атрымаць ніякай інфармацыі аб тым, што адбываецца ў самой Расіі.
«Будзьце ўпэўненыя, вам многае раскажуць пра Украіну», — піша ў сваёй справаздачы рабочая група ЕС па пераадоленні дэзінфармацыі European External Action Service East Stratcom Task Force, перадае Голас Амерыкі.
З 71 тэмы 60 было аб падзеях па-за Расіяй, адзначаецца ў справаздачы рабочай групы ЕС, складзенай на аснове прагляду расійскага тэлебачання на працягу тыдня 13-19 кастрычніка — 21 тэлевізійнай гадзіны. Даследчыкі палічылі вагу паведамленняў пра свет па-за Расіяй у 15 палітычных і аналітычных ток-шоу на трох самых папулярных каналах: «Першы», «Расія—1» і «НТВ».
«Выключыўшы тэлевізар, вы разумееце, што практычна нічога не даведаліся ўласна пра Расію, — адзначаюць даследчыкі. — Дэталёвыя абмеркаванні сусветных падзей паўтараюць аднастайныя і добра скаардынаваныя пасылы пра расколы і супрацьстаянні».
У прыватнасці, на расійскім тэлебачанні абмяркоўваюць такія тэмы як: Ва Украіне ажыццяўляецца ціск на рускамоўных; «Нацысцкая оргія» ва Украіне; Еўропа не асудзіла марш нацыяналістаў у Кіеве; Магчымая пастаўка зброі ЗША ва Украіну; Моўны закон і аплата ва ўкраінскіх школах і іншае.
Сярод міжнародных тым — адносіны ЗША з іншымі дзяржавамі, унутраная сітуацыя ў ЗША, крызіс у Каталоніі, і да таго падобнае.
Каментары