Кампанія Microsoft ужо пачала распаўсюджваць абнаўленне для легендарнага месенджара Скайп з новым прыгожым дызайнам для Mac, Windows 10, Windows 8, Windows 7 і Linux. Але пройдзе яшчэ некаторы час, пакуль абнаўленне стане даступнае ўсім карыстальнікам.
Цяпер да паведамленняў можна дадаваць смайлы-рэакцыі, а каб звярнуць увагу суразмоўцы ў групавым чаце, дастаткова згадаць яго з дапамогай сімвала @, і яму прыйдзе адпаведнае апавяшчэнне. З кожным чатам звязаная галерэя, дзе можна хутка знайсці адпраўленыя фатаграфіі, спасылкі і файлы. Усе звароты да карыстальніка, рэакцыі і абнаўленні гутарак адлюстроўваюцца ў спецыяльнай панэлі апавяшчэнняў.
З'явілася таксама цёмная тэма, а таксама больш варыянтаў сартавання спісу кантактаў (па часе, непрачытаных паведамленнях або статусу), а таксама магчымасць схаваць яго.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню61
Каментары