Разумная калонка падставіла чалавека, уключыўшы сярод ночы гучную музыку, пакуль дома нікога не было
Жыхар Гамбургу абвінаваціў галасавога памочніка Алекса ад кампаіі Amazon у тым, што тая самавольна ўключыла гучную музыку наўпрост сярод ночы, пакуль гаспадар кватэры адсутнічаў. Тым часам паліцыя, якую выклікалі суседзі, узламала дзверы і выключыла калонку.
«Пакуль я піў піва [у пабе], Алекса самавольна, без майго дазволу, зладзіла гучную вечарыну ў маёй кватэры, уключыўшы калонку на максімальную гучнасць», — напісаў пан Хаберстроф на афіцыйнай старонцы «Амазон» у фэйсбуку.
Калі Хаберстроф вярнуўся дадому, у дзвярах ужо быў усталяваны новы замок. Калі ён наведаў паліцэйскі пастарунак, яму ўручылі новыя ключы і рахунак.
Кампанія «Амазон» заявіла пра свой намер аплаціць гэты рахунак, але сваю віну ў інцыдэнце не прызнала.
Каментары