Apple выкупіла сэрвіс распазнання музыкі Shazam за $400 мільёнаў
Амерыканская карпарацыя Apple афіцыйна пацвердзіла куплю брытанскага сэрвісу па распазнанні музыкі Shazam. Кошт угоды склаў $400 мільёнаў, хаця раней гэты мабільны дадатак ацэньвалі ў $1 мільярд.
«Applе Music і Shazam ідэальна пасуюць адно аднаму, дазваляючы шукаць лепшую музыку і дзяліцца ёю з сябрамі», — паведаміў прадстаўнік карпарацыі рэсурсу Recode. Apple Music — музычны сэрвіс Apple, які дазваляе праслухоўваць музыку па падпісцы.
Shazam у апошнім раўндзе інвестыцый, па дадзеных Techcrunch, быў ацэнены ў $1 мільярд. Гэта чарговы выпадак, калі стартапы, якія хутка набылі папулярнасць, пры выхадзе з інвестыцыйнай стадыі не атрымліваюць той ацэнкі, на якую разлічвалі інвестары, заўважае Forbes.
Shazam — праграма, якая дазваляе карыстальніку высветліць, якая музыка грае ў дадзены момант.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары