У Міністэрстве энэргетыкі не пацьвярджаюць інфармацыі пра тое, што Астравецкая пляцоўка зьяўляецца найбольш прымальнай для будаўніцтва АЭС.
У Міністэрстве энэргетыкі не пацьвярджаюць інфармацыі пра тое, што Астравецкая пляцоўка зьяўляецца найбольш прымальнай для будаўніцтва АЭС.
Паведамленьні пра тое, што гэтая пляцоўка разглядаецца як асноўны варыянт для разьмяшчэньня АЭС распаўсюдзілі раніцай 24 верасьня інфармацыйныя агенцтвы БЕЛТА і Інтэрфакс са спасылкай на спэцыялістаў Дырэкцыі будучай АЭС. Таксама казалася, што Чырвонапалянская і Кукшынаўская пляцоўкі вызначаны як рэзервныя.
Аднак, паводле прэс‑сакратара Мінэнэрга Людмілы Зяньковіч, чалавек, які распаўсюдзіў гэту інфармацыю, «ня ведаў высноваў дзяржаўнай камісіі, якая праводзіла паседжаньне 23 верасьня». «Больш за тое, учора на пасяджэньні дзяржкамісіі пытаньня пры прыярытэт наогул не стаяла», — падкрэсьліла яна.
Л.Зяньковіч адзначыла: дзеля таго каб вызначыцца, якая пляцоўка найменш прыдатная, неабходна больш‑менш аднолькавая ступень вывучанасьці ўсіх пляцовак». Пакуль што на іх вядуцца выведчыя працы.
Астравецкая пляцоўка, паводле словаў прэс‑сакратара, найменш вывучаная.
Каментары