Мінбудархітэктуры прапаноўвае дазволіць мінчукам будавацца ў Смалявічах па заяўным прынцыпе
Планы па будаўніцтве ў гарадах-спадарожніках не адмяняюцца. А каб надаць паскарэнне іх рэалізацыі, Міністэрства архітэктуры і будаўніцтва прапануе дазволіць мінчукам-чаргавікам будаваць у Смалявічах з дзяржпадтрымкай па 240-м указе. Пра гэта распавёў міністр архітэктуры і будаўніцтва Анатоль Чорны.
— Як вы ведаеце, зацверджаны генпланы гарадоў-спадарожнікаў, — распавёў Анатоль Чорны. — У гэтым годзе мы павінны былі пабудаваць там 10 тысяч квадратных метраў жылля. Мы план выканалі і перавыканалі — пабудавана практычна 80 тысяч квадратных метраў жылля. Але гэта толькі пачатак развіцця той ідэі, якую закладваў прэзідэнт. Для таго, каб неяк гэтую тэму зрушыць з месца, мы прапануем правесці эксперымент, каб маючыя патрэбу жыхары Мінска маглі паводле заяўніцкага прынцыпу будаваць жыллё ў Смалявічах з падтрымкай згодна з указам №240.
Ёсць падтрымка гэтай ідэі губернатарам, падтрымлівае яе і старшыня Смалявічскага райвыканкама. Але ідэя яшчэ абмяркоўваецца ў іншых узгадняльных органах.
Я не думаю, што ўсе ірвануць з Мінска будувацца ў Смалявічы, і нам не хопіць на рэалізацыю ідэі сродкаў — але пэўная колькасць чаргавікоў тэмай зацікавяцца. Не бачу праблем з рэалізацыяй плана - можна зарэзерваваць пэўную суму на гэты эксперымент. Сёння банкі гатовыя адшукваць рэсурсы, каб крэдытаваць па 240-га указа.
Як можа працаваць заяўны прынцып, міністр расказаў.
Выходзіць праектная дэкларацыя, мінскія чаргавікі (незалежна ад года пастаноўкі на ўлік) звяртаюцца з заявай, што жадаюць там будавацца, выбіраюць кватэру і ідуць у банк па крэдыт.
— Гэта мая прапанова, не ўсе яе падтрымалі. Але праца ідзе, — удакладніў міністр.
Цяпер чытаюць
Лукашэнка даручыў Рыжанкову пачаць перамовы з літоўцамі4
Каментары