Галоўны ідэолаг Мінабароны пра беларусізацыю ў войску: «Рота ганаровай варты ажыццяўляе рапарты па-беларуску»
Начальнік галоўнага ідэалагічнага ўпраўлення Міністэрства абароны, памочнік міністра Аляксандр Гура ў час жывой тэлефоннай лініі адказаў на пытанне журналіста «Нашай Нівы» пра працэсы беларусізацыі ў войску.
Дыялог быў такі:
«Наша Ніва»: Калі мы ўбачым нейкія працэсы беларусізацыі ў войску? Колькі сюжэтаў па-беларуску на тэлеканале Мінабароны «Ваяр»? Ніколькі. А колькі генералаў выступілі па-беларуску? Нагадаю, што і з сайта Мінабароны некалькі год таму зніклі і дагэтуль не аднавіліся артыкулы пра Касцюшку, Давыда Гарадзенскага ды іншых нашых ваяроў».
Аляксандр Гура: «Гэта вашае асабістае меркаванне. Вы маеце права на яго. Але мы строга кіруемся заканадаўствам Беларусі, у нас дзве мовы дзяржаўныя, любы ваеннаслужачы мае права гаварыць на любой мове, вайсковая прысяга ў нас прымаецца на любой мове.
Я лічу, што вашае пытанне ўтрымлівае падтэкст, нібыта нічога ў гэтым кірунку [беларусізацыі] не робіцца, нічога падобнага!
Нашыя ўзброеныя сілы з'яўляюцца арміяй нашай дзяржавы, арміяй незалежнай краіны. Скажу, што ў роце ганаровай варты, якая суправаджае кіраўніка дзяржавы на сустрэчах, рапарты па-беларуску ажыццяўляюцца.
Пытанні, звязаныя з фарміраваннем патрыятычнай свядомасці, заснаваныя перадусім на галоўных нацыянальных інтарэсах: суверэнітэт, незалежнасць, тэрытарыяльная непарушнасць Беларусі. Дэталі, пра якія вы кажаце, паступова разглядаюцца ў плане адпаведнасці нацыянальным інтарэсам нашай Радзімы».
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары