МТС закрывае лінейку тарыфаў «Смарт» і пераводзіць абанентаў на тарыфы 4G
З 1 лютага 2018 года аператар МТС спыніць аказанне паслуг па тарыфных планах лінейкі «Смарт», паведамляецца на сайце кампаніі. Пры гэтым абанентам гэтых тарыфных планаў прапануецца бясплатна перайсці на любы тарыф лінейкі «4G» да 31 студзеня 2018 года.
Тарыфы «4G» штомесяц прадастаўляюць да 2 000 хвілін унутры сеткі і да 6 ГБ інтэрнэту. У параўнанні з лінейкай «МТС смарт» тарыфы «4G» атрымалі нашмат большыя пакеты інтэрнэту і магчымасць безлімітна тэлефанаваць на 5 нумароў пры падключэнні адпаведнай паслугі. Варта адзначыць, што частка ўключанага ў тарыф інтэрнэт-трафіку даступная толькі ў сетцы 4G.
Таксама новыя тарыфы каштуюць крыху больш за «Смарт». Так, раней на тарыфе «МТС Смарт лайт» абанплата складала 5,45 руб., а за новы «4G лайт» прыйдзецца заплаціць ужо 5,90 руб.
Каментары