MTS zakryvaje liniejku taryfaŭ «Smart» i pieravodzić abanientaŭ na taryfy 4G
Z 1 lutaha 2018 hoda apieratar MTS spynić akazańnie pasłuh pa taryfnych płanach liniejki «Smart», paviedamlajecca na sajcie kampanii. Pry hetym abanientam hetych taryfnych płanaŭ prapanujecca biaspłatna pierajści na luby taryf liniejki «4G» da 31 studzienia 2018 hoda.
Taryfy «4G» štomiesiac pradastaŭlajuć da 2 000 chvilin unutry sietki i da 6 HB internetu. U paraŭnańni ź liniejkaj «MTS smart» taryfy «4G» atrymali našmat bolšyja pakiety internetu i mahčymaść bieźlimitna telefanavać na 5 numaroŭ pry padklučeńni adpaviednaj pasłuhi. Varta adznačyć, što častka ŭklučanaha ŭ taryf internet-trafiku dastupnaja tolki ŭ sietcy 4G.
Taksama novyja taryfy kaštujuć krychu bolš za «Smart». Tak, raniej na taryfie «MTS Smart łajt» abanpłata składała 5,45 rub., a za novy «4G łajt» pryjdziecca zapłacić užo 5,90 rub.
Kamientary