63-гадовы Анвар Масалімаў быў вызвалены з калоніі «Палярная сава», якая знаходзіцца на Поўначы Расіі, за Палярным кругам.
Ён быў судзімы яшчэ ў савецкія часы за забойства, сядзеў 15 гадоў.
Пасля выхаду на волю ў 1991 годзе Масалімаў забіў пенсіянера: задушыў, сякерай разрубіў цела. Часткі выкінуў у прыбіральню на вуліцы, а галаву паклаў у грубку і спаліў. Пасля кавалкі мяса ў прыбіральні заўважыла суседка — Масалімава затрымалі. Той віну прызнаў часткова, маўляў, забіў, але выпадкова, проста надта моцна ўдарыў. А пасля ўжо спужаўся, таму і пазбавіўся ад цела.
Анвара Масалімава асудзілі да вышэйшай меры. Некалькі гадоў ён чакаў растрэлу, аднак у Расіі адмянілі смяротнае пакаранне, і ён атрымаў пажыццёвае зняволенне.
Адсядзеўшы 25 гадоў, такія злачынцы маюць права на ўмоўна-датэрміновае вызваленне. А Масалімаў яшчэ і змог праз скаргі перакваліфікаваць сваё абвінавачванне, выкрасліўшы з прысуду ацягчаючыя абставіны.
У выніку ён змог атрымаць умоўна-датэрміновае вызваленне.
Сам Масалімаў з Казані, там у яго сястра. Ён адпісаў сястры ўсю маёмасць — бо думаў, што будзе сядзець усё жыццё.
Але пасля вызвалення Масалімаў паехаў у Маскву, у адрасе выбыцця пазначаны праваслаўны храм. У калоніі ён казаў, што на волі стаў бы манахам. Журналісты «Маскоўскага камсамольца» пагаварылі са святаром храма — Масалімаў быў у яго, але заставацца не захацеў. Тады святар накіраваў Анвара ў прытулак для бяздомных.
Да прытулку той так і не дабраўся. Сёння лёс Анвара Масалімава невядомы.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары