Xiaomi стварыла пасудамыйную машыну, якой можна кіраваць са смартфона
Пад брэндам Youpin, які належыць кампаніі Xiaomi, выйшла пасудамыйная машына Yunmi Smart Dishwasher, якой можна кіраваць дыстанцыйна з дапамогай смартфона, паведамляе Gizmochina.
Машына выкарыстоўвае помпу Weike італьянскае вытворчасці, якая забяспечвае падачу вады пад ціскам 15 кПа. Як сцвярджае вытворца, дзякуючы такому ціску посуд не толькі мыецца, але і абеззаражваецца. Максімальная тэмпература падчас мыцця складае 70°C.
Акрамя таго, Yunmi Smart Dishwasher выкарыстоўвае тэхналогію трохмернага мыцця, дзякуючы якой вада трапляе на посуд з абсалютна ўсіх бакоў.
Прылада месціць восем камплектаў посуду і мае некалькі рэжымаў мыцця, якімі можна кіраваць праз смартфон, знаходзячыся нават далёка ад дома.
Заяўлены кошт машыны ў Кітаі — 400 даляраў. Улічваючы, што ў Беларусі кошт звычайна вышэйшы, можна меркаваць, што цана на Yunmi Smart Dishwasher у нас складзе не менш за 1000 рублёў, у той час як звычайныя пасудамыйныя машыны зараз можна набыць ад 500 рублёў.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца1
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары