Амерыканскія інжынеры стварылі робата, які змог сабраць кубік Рубіка ўсяго за 0,38 секунды. Папярэдні рэкорд больш за год утрымліваў іншы робат пад назвай Sub1 Reloaded — ягоны паказчык склаў 0,64 секунды.
Робат-рэкардсмен быў створаны аспірантам з Масачусецкага тэхналагічнага інстытута Бэнам Катцам, які займаецца даследаваннямі ў галіне робататэхнікі, сумесна з распрацоўшчыкам праграмнага забеспячэння Джарэдам Дзі Карла.
Робат выкарыстоўвае камеру, якая перадае здымкі бакоў кубіка на камп'ютар. Той вызначае расстаноўку дэталяў галаваломкі, а затым адпраўляе звесткі спецыяльнаму алгарытму, які за долі секунды вылічае аптымальнае рашэнне задачы, робат атрымлівае каманду і перамяшчае элементы патрэбным чынам.
На відэа працэс паказаны ў арыгінальнай хуткасці, а таксама з розным запавольваннем.
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно18
Каментары