Праз санкцыі Марыя Калеснікава не можа разблакаваць свой нямецкі рахунак
«І я пакуль нічога не магу з гэтым зрабіць».
Нямецкі банк Commerzbank заблакаваў рахунак былой палітзняволенай Марыі Калеснікавай, пакуль яна знаходзілася ў калоніі. Прычына — санкцыі супраць Беларусі. Пра гэта Калеснікава распавяла на нямецкім тэлеканале ARD, піша «Медыязона».
«Даволі пацешная гісторыя. У мяне быў рахунак у Commerzbank 17 гадоў. Калі я была ў калоніі, натуральна, я не магла ім кіраваць. І ў нейкі момант яго заблакавалі. Цяпер мой рахунак заблакаваны, і ў мяне няма доступу да яго праз санкцыі супраць Беларусі. Я таксама з Беларусі, і гэта закранае і мяне, хоць я цяпер у Германіі са сваім [заблакаваным] рахункам, які быў адкрыты 17 гадоў таму. І я пакуль нічога не магу з гэтым зрабіць», — сказала яна.
Калеснікава таксама дадала, што санкцыі не ўплываюць на Аляксандра Лукашэнку: «У яго ёсць свой самалёт, і ён проста [лятае] ўсюды, куды хоча, за межамі ЕС, і гэта ўплывае на звычайных людзей», — дадала Калеснікава.
У 2021 годзе Марыя была асуджаная на 11 гадоў калоніі па артыкулах аб змове з мэтай захопу ўлады (артыкул 357 КК), закліках да дзеянняў супраць нацбяспекі (артыкул 361 КК) і стварэнні «экстрэмісцкага» фарміравання (артыкул 361‑1 КК). Яна выйшла на свабоду праз памілаванне разам з групай іншых палітвязняў у снежні 2025 года, зараз знаходзіцца ў Германіі.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай11
Каментары
Было толькі тэкставае інтэрв'ю з Золатавай (таксама былая палітзняволенная), дзе можна было дамовіцца, што не публікаваць
Можа баіцца, што там такія пытанні будуць з якіх прыгожа не саскочыш? Ці яны з Бабарыкай наўмысны вырашылі ад "экстрэмістаў" абмежавацца?