У гэтую суботу, 21 красавіка з 11:00 да 19:00 у Мінску ў чарговы раз адбудзецца музычна-асветніцкая акцыя «Бах у метро».
Прафесійныя музыкі — салісты вядучых калектываў Белдзяржфілармоніі, Вялікага тэатра оперы і балета, выкладчыкі Беларускай дзяржаўнай акадэміі музыкі — выканаюць творы знакамітых айчынных і замежных кампазітараў у вестыбюлях станцый метрапалітэна.
У гэтым годзе праграма мерапрыемства ахопіць усе асноўныя эпохі еўрапейскай музычнай культуры: рэнесанс, барока, класіцызм, рамантызм, музыку XX і XXI стагоддзяў.
Заснавальнік праекта — Асацыяцыя маладых беларускіх кампазітараў ГА «Беларускі саюз музычных дзеячаў». Мерапрыемства праходзіць пры падтрымцы і садзейнічанні заснавальніка інтэрнэт-партала ТUT.BY Юрыя Зісера, Мінгарвыканкама, ДП «Мінскі метрапалітэн», музычнага праекта «Пешаходка».
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала10
Каментары