Дырэктар ЦРУ і кандыдат на пасаду дзяржсакратара ЗША Майк Пампеа сустракаўся з лідарам КНДР Кім Чэн Ынам, паведамляе газета The Washington Post са спасылкай на дзве крыніцы.
Пампеа таемна наведаў Паўночную Карэю падчас Велікоднага ўікэнда. Мэтай візіту была падрыхтоўка глебы для асабістай сустрэчы прэзідэнта ЗША Дональда Трампа з Кім Чэн Ынам.
У ЦРУ, Белым доме і Пхеньяне гэтую інфармацыю каментаваць адмовіліся.
Пра тое, што спадар Трамп пагадзіўся сустрэцца з Кім Чэн Ынам, стала вядома ў пачатку сакавіка. Пазней з'явіліся паведамленні аб тым, што Вашынгтон вядзе таемныя перамовы з Пхеньянам з нагоды сустрэчы лідараў дзвюх краін, а таксама пра гатоўнасць КНДР абмяркоўваць ядзернае раззбраенне.
Лукашэнка знайшоў незвычайныя словы для спачування Хаменеі: «вераломная атака»27
Каментары