Праваахоўныя органы Малайзіі пасля ператрусаў некалькіх месцаў, якія звязаны з былым прэм'ер-міністрам краіны Наджыбам Разакам, знайшлі 284 скрынкі з дызайнерскімі сумкамі.
Ператрусы прайшлі ў некалькіх рэзідэнцыях экс-прэм'ера, а таксама ў яго былым офісе. Яны адносяцца да расследавання злоўжыванняў у дзяржаўным фондзе 1MDB (Першы Малайзійскі фонд інвестыцый і развіцця).
«Мы знайшлі 284 скрынкі з дызайнерскімі сумкамі. Пасля праверкі высветлілася, што ў 72 сумках знаходзіцца розная валюта, у тым ліку малайзійскія рынгіты і даляры ЗША, гадзіннікі і каштоўнасці», — сказаў Датук Серы Амар Сінгх, кіраўнік паліцэйскага дэпартамента па расследаванні эканамічных злачынстваў.
У выданнi не назвалі агульны кошт знойдзеных каштоўнасцей. Таксама адзначаецца, што знойдзеныя сумкі належаць прэміяльным брэндам Louis Vuitton і Birkin.
Каментары