У турэцкай правінцыі Эскішэхір адбылося ўрачыстае адкрыццё газаправода TANAP, які будзе транспартаваць прыродны газ з Азербайджана ў Турцыю, а адтуль у Еўропу.
«TANAP — вынік нашых агульных намаганняў, а таксама прадвеснік новых праектаў», — абвясціў падчас цырымоніі прэзідэнт Турцыі Рэджэп Таіп Эрдаган і нагадаў, што гэты газаправод таксама называюць энергетычным шаўковым шляхам. Па словах турэцкага лідара, першапачатковая прапускная магутнасць трубаправода складзе 16 мільярдаў кубаметраў газу ў год, большая частка газу (10 мільярдаў) пойдзе ў Еўропу.
TANAP з'яўляецца альтэрнатывай расійскаму праекту пастаўкі газу ў Еўропу — трубаправоду «Турэцкі паток». TANAP — частка Паўднёвага газавага калідора. Мяркуецца, што праз яго будзе пастаўляцца паліва з Каспійскага рэгіёна праз Грузію і Турцыю ў краіны Еўрасаюза.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца1
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары