Кіраўнік МУС Нямеччыны і старшыня баварскага Хрысціянска-сацыяльнага саюза (ХСС) Хорст Зеехофер скептычна ацаніў магчымасць свайго далейшага супрацоўніцтва з канцлерам краіны Ангелай Меркель.
«Я больш не магу працаваць з гэтай жанчынай», — сказаў Зеехофер пра Меркель, паўтарыўшы гэтыя словы двойчы. Як адзначае выданне, прычынай такога стаўлення стала спрэчка паміж баварскім ХСС і яго партнёрам па блоку — Хрысціянска-дэмакратычным саюзам (ХДС) Ангелы Меркель, з нагоды процідзеяння нелегальнай міграцыі. У прыватнасці, спрэчка датычыла таго, ці можна бежанцаў, якія ўжо былі зарэгістраваныя ў іншай краіне Еўрасаюза, разварочваць на нямецкай мяжы і не пускаць на тэрыторыю Нямеччыны.
Спрэчка паміж ХСС і ХДС правакуе ў блоку ўзаемны недавер. Кіраўнік МУС лічыць, што міграцыйную палітыку Германіі трэба зрабіць больш жорсткай. Ён адзначыў, што гатовы пайсці на гэта без санкцыі Меркель. Канцлерка, у сваю чаргу, настойвае на правядзенні агульнаеўрапейскіх дэбатаў на міграцыйную тэматыку.
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары