У Магілёве хлопец надрапаў слова «п**р» на чужым аўто. «Вячэрні Магілёў»: У яго правільныя паняцці
Сёлета ў красавіку міліцыя затрымала аднаго з навучэнцаў Магілёўскага прафліцэя № 2. Хлопец Раман падчас прагулкі ўбачыў няправільна прыпаркаваны аўтамабіль, узяў кавалак газасілікатнага блока і надрапаў там слова «п**р». Так ён хацеў пакараць нядбайнага кіроўцу.
Гісторыя трапіла ў выпуск газеты «Вячэрні Магілёў» за 25 ліпеня. Журналістка Вікторыя Карпава апісала інцыдэнт у сваім матэрыяле з назвай «Слова з чатырох літар як сімвал гендарных каштоўнасцей»:
«Вядомы факт, што ўкараненне гендарных стэрэатыпаў скажае светапогляд моладзі, у выніку сваё стаўленне да нядобрых людзей падлеткі выказваюць проста, у рабоча-сялянскім стылі, называючы рэчы сваімі імёнамі», — піша «Вячэрні Магілёў».
Журналістка пахваліла героя публікацыі:
«Герой» нашай гісторыі — хлопец з правільнымі паняццямі. Вучыцца ён на слесара-рамонтніка і захапляецца спортам», — парадавалася за маладое пакаленне журналістка.
Каментары