Расіяне Аляксандр Пятроў і Руслан Башыраў, якіх абвінавачваюць у атручванні экс-палкоўніка ГРУ Сяргея Скрыпаля і яго дачкі Юліі, сачылі за былым афіцэрам у Чэхіі. Пра гэта паведамляе «Чэшскае радыё» са спасылкай на крыніцу ў разведслужбах.
Па дадзеных радыёстанцыі, яны пабывалі ў Чэхіі ў кастрычніку 2014 года. У прыватнасці, Пятроў спыняўся ў адным з гатэляў горада Острава з 13 па 16 кастрычніка 2014 года, пасля чаго адправіўся ў Прагу. Па дадзеных крыніцы, Башыраў пабываў у чэшскай сталіцы 11 кастрычніка.
Скрыпаль прыбыў у Чэхію ў другой палове кастрычніка таго года, каб сустрэцца з чэшскай разведкай, паведамляе радыёстанцыя. Сцвярджаецца, што менавіта афіцэры чэшскай разведкі дапамаглі экс-палкоўніку ГРУ раскрыць сачэнне.
Акрамя таго, «Чэшскае радыё» дапускае, што Пятроў і Башыраў маглі быць высланы з краіны. Дакладнай інфармацыі на гэты конт няма, але ў 2014 годзе ўлады Чэхіі выправадзілі з краіны з «меркаванняў бяспекі» траіх расейцаў.
Цяпер чытаюць
У 55 гадоў памёр стваральнік брэнду Serge Сяргей Атрошчанка9
Каментары