У 1980-х на поўначы Мічыгана група даследчыкаў выявіла лес, акупаваны апенькамі — як выявілася, усе грыбы належалі да адной велізарнай грыбніцы. Яна была прызнаная самым буйным жывым арганізмам за ўсю гісторыю. Нядаўна навукоўцы зноў вярнуліся да свайго адкрыцця і высветлілі, што на самай справе грыбніца нашмат большая і старэйшая, чым ім здавалася, піша «Папулярная Механіка».
Велізарная грыбніца займае плошчу ў 37 гектараў! Нядаўна навукоўцы высветлілі, што яна належыць да віду Armillaria gallica (добра знаёмая ўсім грыбнікам апенька таўстаногая), і што на самай справе грыбніца ў чатыры разы большая (!) і ўдвая старэйшая, чым меркавалася раней.
У адрозненне ад большасці іншых грыбоў, гіфы (тонкія ніткі, якія ўтвараюць цела грыбніцы) Armillaria gallica не проста распаўсюджваюцца пад зямлёй як павуцінне, але зрошчваюцца ў падобныя да плеценых шнуркоў утварэнні, якія пранікаюць у мёртвае або ўражанае хваробай дрэва. Каб вызначыць рэальныя памеры грыбніцы, навукоўцы ўзялі 245 спробаў, максімальна аддаленых адна ад адной, і параўналі структуру іх генаў. Высветлілася, што грыбніцы мінімум 2500 гадоў!
Біёлагі таксама змаглі адсачыць і дынаміку змены генаў апенькаў. Яны выявілі, што такі каласальны арганізм зазнаў дзіўна малы лік мутацый і сама хуткасць фарміравання генетычных адхіленняў вельмі невялікая — усяго 163 мутацыі сярод 100 мільёнаў генетычных груп.
Мутацыя — гэта не толькі паталогія, але і проста сведчанне таго, наколькі хутка арганізм можа развівацца і рэагаваць на змены асяроддзя. Пакуль навукоўцы не ведаюць, у чым крыецца сакрэт грыба-доўгажыхара — у неверагодна ўстойлівым геноме ці ў тым, што ён ізаляваны ад свету ў тоўшчы зямлі.
Каментары