Дэпутат расійскай Дзярждумы ад кіроўнай «Адзінай Расіі» Сяргей Вастрацоў прапанаваў пазбаўляць бацькоўскіх правоў расіян, чые непаўналетнія дзеці неаднаразова ўдзельнічалі ў няўзгодненых акцыях.
Таксама ён прапанаваў штрафаваць бацькоў. Дэпутат упэўнены, што такая мера падштурхне дарослых вывучаць актыўнасць падлеткаў у сацыяльных сетках і праводзіць прафілактычныя гутаркі з «малалеткамі, якія сёння не адчуваюць адказнасці».
«Калі бацькі не займаюцца сваімі дзецьмі, можа павінен быць сігнал у апеку, каб яны бралі такія сем'і на кантроль <…> То бок, гэта сігнал для больш глыбокага вывучэння — ці трэба наогул пакідаць дзяцей такім бацькам, якія сваімі дзецьмі не займаюцца. Можа быць, пры ўдзеле дзіцяці ў несанкцыянаваным мітынгу больш за два разы варта разглядаць магчымасць пазбаўлення бацькоўскіх правоў», — сказаў Вастрацоў.
Парламентарый адзначыў, што ў найбліжэйшы час плануе аформіць сваю ініцыятыву ў выглядзе асобнага праекта закона або паправак да законапраекта аб увядзенні адміністрацыйнай адказнасці за арганізацыю несанкцыянаваных публічных мерапрыемстваў з удзелам школьнікаў.
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары